(Si quieres leer este articulo en castellano pincha aquí)
A través de Hand Job e Pulled, Mike Perry, un dos nosos artistas cósmicos favoritos, amósanos o traballo dos ilustradores contemporáneos máis innovadores do momento. Dous libros imprescindibles!!
En Hand Job, Mike Perry, especialista en tipografía feita a man, realiza unha selección de 50 traballos de destacados deseñadores, ilustradores e tipógrafos, que integran tipografía feita a man nos seus deseños. Ademais de exhibir un espectro de estilos e enfoques, Hand Job inclúe fotografías tanto das tipografías coma dos estudos dos artistas, dando ao lector una maior comprensión do que ocorre na creación do debuxo realizado a man.
Pulled Book / + fotos aquí
Popularizada nos anos 60 por artistas pop como Andy Warhol, a serigrafía segue a ser unha das técnicas favoritas de moitos artistas debido á súa versatilidade, duplicidade e custo relativamente baixo. Neste libro, Mike Perry recolle máis de corenta traballos dos deseñadores máis talentosos da actualidade e que á súa maneira están impulsando dun xeito moi dinámico os límites deste medio de expresión. Un libro imprescindible para comprender as posibilidades que a serigrafía ofrece aos creadores de hoxe en día.
